Nos seus días de esplendor, Roma gobernou unha cuarta parte da humanidade ao longo de tres continentes. No mundo hiperconectado de hoxe en día é sinxelo entender as distancias, pero… como era iso fai dous mil anos? Para dar resposta a esta pregunta, a Universidade de Stanford ven de publicar o seu “Modelo de rede xeoespacial do mundo romano”, tamén coñecido como ORBIS
A simulación creada pola Universidade de Stanford permite expresar os custes de comunicación romanos en termos de tempo e de diñeiro. Mediante a simulación de movemento ao longo das principais rutas da rede romana de estradas, os principais ríos navegables e as rotas marítimas do mediterráneo, o Mar Negro e o Atlántico costeiro, o modelo reconstrúe a duración e custe financeiro das viaxes que imaxinemos.
Variacións estacionais
O modelo ORBIS ten en conta as variacións estacionais, xa que no norte de Europa e nas zonas montañosas o transporte non podía durar o mesmo. Tendo en conta as variacións da época do ano, e a gama de modos e medios de transporte, ORBIS revela a a verdadeira forma do mundo romano e ofrece un recurso único para a comprensión da historia daquel tempo.
A aplicación sinala, ademais, a rota máis rápida, a máis curta e a máis barata. Tendo en conta que o transporte terrestre era bastante caro, é comprensible o dominio dos mares e das rotas marítimas que posuían os romanos. Por exemplo, o camiño máis rápido entre Roma e Londes, no verán, levaría 27 días atravesando a Galia (Francia), mentres que o camino máis barato levaría 39 días atravesando o Mare Nostrum (Mediterráneo), bordeando a península ibérica e a Galia ata chegar a Londinium (Londres).
En Galicia, o único punto destacable é “Flavium Brigantium”, que, probablemente, fose Betanzos.
Se reparas no mapa de conexións, moitas das estradas que temos na actualidade empregaron os trazados que os romanos deseñaron no seu día.
The post Sabes como sería Google Earth na época romana? appeared first on Xente Dixital.