Realizar todas as nosas xestións de maneira online é un obxectivo que se vai cumprindo aos poucos. Esta mesma semana a Xunta de Galicia activou o servizo de emisión de certificados a través da súa sede electrónica. Este novo servizo introdúcese para cumprir coas medidas que esixe a Lei 30/2015, que introduce as directrices para garantir unha Administración totalmente dixital.
O servizo de emisión de certificados comezou esta semana coa posibilidade de emitir o título de familia numerosa e tamén o certificado de discapacidade. Estes dous títulos pódense obter de maneira totalmente automática a través desta ligazón da sede electrónica. Para poder obter os certificados, é necesario ter algún tipo de identificación dixital compatible, xa sexa certificado dixital do DNI electrónico ou ben empregando o servizo Chave365.
A emisión online destes dous certificados é o comezo de moitos máis que iranse introducindo nos próximos meses na sede electrónica. Desta maneira, calquera poderá axilizar os trámites coa administración, reducindo o tempo necesario así como os custos.
Chave 365, a alternativa aos certificados dixitais
Para simplificar o acceso á sede electrónica, tes a túa disposición Servizo Chave 365, unha alternativa aos certificados dixitais ,que permite o acceso á administración electrónica autonómica de maneira moito máis sinxela, a través dunhas claves que recibes no móbil.
Se queres solicitar o Servizo Chave 365, aquí tes toda a información necesaria.
The post A Xunta activa o servicio de emisión de certificados de maneira online appeared first on Xente Dixital.